Швейцария қимматбаҳо металлар ишлаб чиқарувчилари ва савдогарлари уюшмаси (ASFCMP) Россия қўшинлари Украинага бостириб кирганидан бери аъзолар Россия олтинини сотиб олмаганини маълум қилди. Бу ҳақда «Коммерсантъ» ёзмоқда.

Божхона маълумотларига кўра, Швейцария Украинага ҳужум бошланганидан бери биринчи марта май ойида  200 миллион долларга яқин 3 тонна олтин импорт қилган.

Уни ким сотиб олгани аниқ номаълум, аммо ASFCMP асосий нефтни қайта ишлаш заводларига эга бўлган 14 та компанияни ўз ичига олади.

«ASFCMP ўз аъзолари билан боғланди ва уларнинг ҳеч бири ушбу импорт учун жавобгар эмаслигини тасдиқлайди», дейилади ассоциация баёнотида.

Таъкидланишича, санкциялар Россия олтинини мамлакатга олиб киришни тақиқламайди, бироқ ассоциация «шубҳали олтинга Швейцарияда жой йўқ» деб ҳисоблайди.

Швейцариядаги нефтни қайта ишлаш заводлари дунёдаги олтиннинг учдан икки қисмини қайта ишлайди. Май ойида Россиядан олиб келинган 3 тонна олтин умумий металл импортининг 2 фоизини ташкил этди. Швейцария охирги марта Россиядан февраль ойида олтин қабул қилган — 1,1 тонна.

Аввалроқ Швейцария ҳукумати Ғарб санкцияларига учраган россияликлар ва Россия компанияларнинг умумий қиймати 5,75 миллиард франк (6,17 миллиард доллар) миқдоридаги мулкини музлатиб қўйганди.