Subaru STI E-RA Challenge Project лойиҳаси доирасида Нюрбургринг рекорди учун 1088 от кучига эга электромобилни тақдим этди. Бу ҳақда «Коммерсантъ» хабар берди.

Қайд этилишича, нолдан йиғилган ва пухта ишлаб чиқилган аэродинамикага эга бўлган янги прототипнинг ўзига хос хусусияти — электр қуввати мажмуаси.

Yamaha Motor ўрнатилган инверторли ва умумий қуввати 1088 от кучига эга витес қутисига эга тўртта электр моторини ишлаб чиқди, бу ҳар бир ғилдирак учун алоҳида тортиш вектор тизимини амалга ошириш имконини берган. Қувват захираси номланмаган, аммо батарея қуввати 60 кВт соатни ташкил қилади.

2022 йилда модель Япониядаги пойга йўлларида синовдан ўтказилади, 2023 йилда эса Subaru Германияга келиб, Нордшляйфе (Нюрбургринг пойга йўлининг шимолий ҳалқаси) бўйлаб 400 сониядан тезроқ айланишни режалаштирмоқда. Subaru STI E-RA’нинг серийали истиқболлари ҳақида хабар берилмаган.

Аввалроқ Toyota янги пойга автомобили прототипини намойиш этгани хабар қилинганди.