Ўзбекистон Ташқи меҳнат миграцияси агентлиги Туркияда ишламоқчи бўлган фуқароларни танловга таклиф қилди. Бу ҳақда агентлик матбуот хизмати хабар берди.

Ташқи меҳнат миграцияси агентлиги ҳамда Туркиянинг ASA Tayga Group ташкилоти ўртасидаги келишувга асосан фуқаролар Queens Park Goynuk, Queens Park Le Jardin, Bellis Deluxe меҳмонхоналарига ишга таклиф этилади.

Иш тури: хона хизматчиси, официант, идиш ювувчи, ташқи ёндош ҳудуд тозаловчилари

Иш вақти: 6/1 графикда 8 соат.

Имтиёз: яшаш жойи, озиқ-овқат, суғурта, транспорт харажатлари иш берувчи ҳисобидан.

Ойлик иш ҳақи: 8500-9000 турк лираси (солиқлар чиқариб ташланганда).

Виза учун тўлов ва Туркияда ишлаш ҳуқуқини берувчи ҳужжатни расмийлаштириш харажатлари номзод ҳисобидан.

Номзодлар учун талаблар:

• 18-45 ёш;
• одамлар билан мулоқот қилиш қобилияти;
• юқори иш қобилияти, хушмуомалалик;
• судланмаган бўлиши
• рус ёки инглиз тилини билишСуҳбатга ўзингиз билан 5х5 расм, биометрик ва хорижга чиқиш паспортларингизни олиб келишингиз талаб этилади.

Танлов жараёнлари 2022 йил 27 декабр куни соат 10:00 дан 12:00 гача Ташқи меҳнат миграцияси агентлиги биносида ўтказилади.
Шунингдек, 12:00 дан 18:00 гача онлайн шаклида бўлиб ўтади. (Онлайн иштирок этувчилар учун манзил ва вақти қўшимча маълум қилинади). Манзил: Тошкент шаҳри, Олмазор тумани, Қамарнисо кўчаси 1-уй.