Япония ҳукумати ёшлар ўртасида спиртли ичимликларни тарғиб қилиш мақсадида танлов эълон қилди
Японияда солиқ тушумларини ошириш мақсадида ёшларнинг алкоголли ичимликлар ва маҳаллий саке истеъмолига тарғиб қилувчи Sake Viva! танлови ўтказилади. Мамлакатда спиртли ичимликлар истеъмолининг пасайиши пандемиядан 10 йил олдин бошланганди.
Япония ҳукумати солиқ тушумларини ошириш мақсадида ёшларнинг алкоголли ичимликлар, жумладан, анъанавий саке истеъмоли камайишига қарши курашишга қаратилган Sake Viva! лойиҳасини қўллаб-қувватлади. Бу ҳақда Financial Times нашри хабар берди.
Sake Viva! лойиҳаси Япония миллий солиқ бошқармаси томонидан бошланган. У 20 ёшдан 39 ёшгача бўлган японияликларни ёшларга япон спиртини тарғиб қилиш бўйича энг яхши ғоялар танловида иштирок этишга ундайди.
Ташкилотчилар иштирокчилар спиртли ичимликларни истеъмол қилишни рағбатлантириш учун янги маҳсулотлар ва дизайнларни тақдим этишларига умид қилмоқда.
Иштирокчиларга янги норманинг хусусиятларига — аҳолининг спиртли ичимликларга бўлган қизиқишларига таъсир кўрсатган пандемиядан кейин ўзгарган турмуш тарзига алоҳида эътибор бериш таклиф этилади.
Танлов анъанавий равишда шишанинг очилишига олиб келадиган кўтаринки кайфиятни яратиш учун метаборлиқ имкониятларидан фойдаланиш ғояларини илгари суради.
Япония Соғлиқни сақлаш вазирлиги танлов ғояси бўйича солиқ идораси билан ҳамкорлик қилмаётганини таъкидлади.
Вазирлик лойиҳада спиртли ичимликларни истеъмол қилишнинг тегишли миқдори ҳисобга олинишига умид билдирди. Бу жиддий соғлиқ муаммоларининг олдини олади.
Sake Viva! танлови 9 сентябрга қадар давом этади. Энг яхши таклифлар финалга йўл олади ва 10 ноябр куни ғолиблар эълон қилинади.
FT Японияда спиртли ичимликлар истеъмолининг пасайиши пандемиядан 10 йил олдин бошланганини таъкидлади.
Япония Миллий солиқ бошқармаси маълумотларига кўра, мамлакатда катталар учун ўртача йиллик спиртли ичимликлар истеъмоли 1995 йилдаги 100 литрдан 2020 йилда 75 литргача камайган.