Ford компанияси Ranger пикапининг янги авлоди қандай кўринишда бўлишини маълум қилди
Янги Ford Ranger’нинг тақдимоти 24 ноябрь куни Австралияда бўлиб ўтади
Ford янги авлод Ranger пикапининг тақдим этилиш санасини эълон қилиб, моделнинг навбатдаги тизерини намойиш этди.
Ford компаниясининг Австралиядаги бўлинмаси YouTube’даги расмий каналида эълон қилинган видеода янги маҳсулот Ford F-150 модели услубида ишлаб чиқилиши кўрсатилган. Моделнинг жиҳозлари ҳайдовчига ёрдам беришнинг замонавий электрон тизимлари ва қулайлик элементлари билан кенгайтирилади.
Рамка тузилиши ва мустаҳкам орқа ўқни сақлаб қоладиган пикап битта, бир ярим ва икки кишилик кабиналар, 12 дюймли рақамли асбоблар кластери ва 15,5 дюймли вертикал экранли SYNC 4 маълумот-кўнгилочар тизими билан бозорга чиқарилади.
Янги Ford Ranger’нинг тақдимоти 24 ноябрь куни Австралияда бўлиб ўтади. Пикап 2022 йилда сотувга чиқарилади. Кейинчалик пикап асосида Ford Everest SUV ва Volkswagen Amarok пикаплари яратилади.
Аввалроқ Mercedes-Benz компанияси SL моделининг янги авлодини намойиш қилганди.
