Аҳолининг банклардан қарздорлиги бир йилда 39 трлн сўмга ортди
Фоизли қарзларнинг қарийб 235,86 трлн сўми аҳоли томонидан олинган. Бир йил илгари мазкур кўрсаткич 196,9 трлн сўм эди.
Ўзбекистон аҳолисининг банклардан олган кредитлари қолдиғи бир йилда 39,5 трлн сўмга кўпайди. Бу рақам Марказий банк берган маълумотлардан келиб чиқади.
Аҳоли қарз қолдиғи корхоналарга қараганда тезроқ ўсган
2026 йил 1 июль ҳолатига кўра, банклардаги жами кредитлар қолдиғи 642,8 трлн сўмга етди. Бу 2025 йил мос давридагидан 67,6 трлн сўмга кўп.
Фоизли қарзларнинг қарийб 235,86 трлн сўми аҳоли томонидан олинган. Бир йил илгари мазкур кўрсаткич 196,9 трлн сўм эди. Қарз қолдиғининг йиллик миқдори 39 трлн сўмга кўпайган.
Умумий кредитларнинг 406,94 трлн сўми корхоналарга тегишли бўлиб, бир йилда 28,6 трлн сўмга ортган.
Давлат банклари ажратган кредитлар улуши катта
Умумий кредитлардан қолдиғининг 422,2 трлн сўми давлат банклари томонидан ажратилган. Бир йил аввалги кўрсаткич эса 394,2 трлн сўм эди.
Жорий кредит қолдиғининг 220,5 трлн сўми хусусий банкларга тегишли ҳисобланади. Таққослаш учун, 2025 йил мос давридаги миқдор 181 трлн сўм бўлган.
Умумий олганда, давлат банклари кредит қолдиғи бир йилда 26 трлн сўмга, хусусий банкларники эса 39,5 трлн сўмга ўсган.
Энг кўп кредит берган банклар Ўзмиллийбанк (107,1 трлн сўм) ва Агробанк (91,2 трлн сўм) бўлган. Хусусий банклар орасида Kapitalbank ажратган қарзлар улуши нисбатан юқори экани қайд этилган — 38,3 трлн сўм.
