Ўзбекистонликлар март ойида меҳнат бозорига фаол кира бошлади. Қайси касбга талаб энг кўп ошди?
HeadHunter ва Kommers.uz Ўзбекистонда энг актуал касблар ва ўртача иш ҳақи кутилмаси ҳақида маълумот тақдим этади.
Ўзбекистон аҳолиси меҳнат бозорига фаолроқ кира бошлади. 2022 йил март ойида актуал резюмелар сони 2021 йилнинг шу ойига нисбатан 3 баравар кўп бўлди. Маълумотлар «HeadHunter Ўзбекистон» (hh.uz) сайтидаги резюмелар таҳлилига асосланади.
Маълум бўлишича, март ойи давомида 30 мингдан ортиқ Ўзбекистон фуқароси ўзига иш қидирган. Агар худди шу давр учун иш берувчиларнинг таклифлари кўриб чиқилса, унда бу нисбат бозор учун оддий ҳолат сифатида тавсифланиши мумкин.
Республика аҳолисининг «Ахборот технологиялари» касбий йўналишига қизиқиши энг юқори даражада ошди — бу соҳада 2021 йил мартига нисбатан 65 фоизга кўпроқ резюме жойлаштирилди. Бундан ташқари, «Маъмурий ходимлар» йўналиши бўйича 32 фоизга, «Савдо» йўналиши бўйича эса 16 фоизга кўпроқ ариза топширилган.
Ўзбекистон аҳолиси орасида энг машҳур касб — «Савдо менежери, мижозларга хизмат кўрсатиш бўйича менежер» бўлиб қолмоқда. Иккинчи ўринда — дастурчи, учинчи — бухгалтер. Кейинги ўринлардан қуйидаги касблар жой олган: муҳандис, ҳайдовчи, дизайнер, рассом, ўқитувчи ва курьер.
Иш изловчиларнинг иш ҳақи кутилмалари 2021 йилга нисбатан 5 фоизга ошди. 2022 йил март ойида кутилаётган ўртача иш ҳақи 3 миллион 550 минг сўмни ташкил этди.
Аввалроқ Ўзбекистонда энг кўп маош таклиф қилинаётган бўш иш ўринлари хабар қилинганди. Шунингдек, Ўзбекистонда олий маълумотсиз бўла туриб қандай иш топиш мумкинлиги ҳақида хабар берилди.