Илон Маскнинг ижтимоий тармоқлардаги постлари, жумладан, Twitter’да компания акцияларини сотиш бўйича ўтказилган сўров Tesla инвесторларидан бирининг даъвосига сабаб бўлди. Бу ҳақда Reuters нашри хабар берди.

Tesla инвестори Девид Вагнер текширув ўтказиш учун компаниянинг ички ҳужжатларига киришни талаб қилди. У акцияларни сотиш бўйича твитлар компания томонидан олдиндан тасдиқланганми ёки йўқлигини билмоқчи.

Маск 6 ноябрь куни Twitter фойдаланувчилари рози бўлса, ўз улушларининг 10 фоизини сотишини эълон қилганидан сўнг рекорд даражага этган Тесла акциялари тахминан чорак қисмини йўқотди. Ўшандан бери у 14 миллиард долларга яқин акцияларни сотди.

Маълумот учун, 13 декабрь куни Илон Маск Time журнали томонидан «Йил одами» деб топилганди. Шундан сўнг Буюк Британиянинг дунёга машҳур Financial Times газетаси ҳам Tesla раҳбари Илон Маскни электромобиллар саноатида қилган ишлари учун «Йил одами» деб топди.