UzAuto Motors Lacetti ва Labo етказиб беришни 2 ойга кечиктиради
Кечиктиришга глобал яримўтказгичлар етишмаслиги муаммоси сабаб бўлган
UzAuto Motors компанияси Chevrolet Lacetti ва Chevrolet Labo етказиб бериш муддатини 2 ойга узайтиради. Бу ҳақда компания матбуот хизмати хабар берди.
Қайд этилишича, ушбу эълон Chevrolet с ва Chevrolet Labo автомобилини 2021 йилнинг октябрь-ноябрь ойларида кутаётган харидорларга қаратиган. Компания автомобилни етказиб бериш бўйича илгари тузилган шартноманинг 1.2 бандига мос равишда шартномага 3.1.1 бандни киритишга мажбурлигини маълум қилган.
«UzAuto Motors ушбу экстремал чора истеъмолчилар томонидан тўгри тушунилиб қабул қилинишига умид қилмоқда», дейилади хабарда.
Компаниянинг изоҳлашича, UzAuto Motors’га боғлиқ бўлмаган ҳолатлар туфайли яримўтказгичлардан (микрочиплардан) тайёрланган бутловчи қисмларнинг глобал тақчиллиги сабабли компания 3.1.1 бандни қўллаш ҳамда 3.1 бандда кўрсатилган Lacetti ҳамда Labo автомобилларининг кутилаётган етказиб бериш муддатини 2 ойга узайтиришга мажбур.
Аввалроқ Tesla компаниясининг нархи 1 триллион доллардан ошгани ҳақида хабар берилганди.
