Америкалик миллиардерларнинг бойлиги қарийб бир йилда 1,8 трлн долларга кўпайди
Кўрсаткичнинг сезиларли даражада юқорилаши бозорларнинг ўсиши фонида содир бўлган
Америкалик миллиардерларнинг умумий бойлиги 2020 йил бошига нисбатан 1,8 триллион доллардан кўпроққа ўсди. Бу ҳақда Forbes хабар бермоқда.
Нашрнинг ёзишича, 2020 йил 1 январь ҳолатига кўра, америкалик миллиардерларнинг бойлиги 3,4 триллион долларни ташкил этган ва шундан буён қарийб 5,3 триллион долларга етган. Кўрсаткичнинг сезиларли даражада юқорилаши бозорларнинг ўсиши фонида содир бўлган.
Маълумотларга кўра, капиталлашув бўйича энг йирик Америка компаниялари индекси S&P 500 2020 йил бошидан буён 45 фоизга, Dow Jones Industrial Average индекси эса 27 фоизга ўсган. Энг бой америкаликларнинг умумий бойлиги ўсиш суръатлари бўйича индексларни ортда қолдириб, 56 фоизга юқорилаган.
Бу кўрсаткич бўйича етакчи сайёранинг энг бой миллиардери, Tesla ва SpaceX асосчиси Илон Маск бўлди. Унинг бойлиги 293,7 миллиард долларга ошган. Ушбу сумма Microsoft асосчиси Билл Гейтс ва инвестор Уоррен Баффетнинг умумий бойликларидан ҳам кўпроқдир.
Аввалроқ энг кўп миллиардер етишиб чиққан соҳалар қайсилиги бўйича таҳлилий мақола эълон қилинганди.
