Apple бош директори Тим Кук ходимларга электрон мактуб юборди, унда Украинадаги «махсус операция» ва компаниянинг Россиядаги сўнгги ҳаракатлари ҳақида гап боради. Мактубнинг нусхасини The Verge эълон қилди.

Тим Кук ходимлар эътиборини Украинада давом этаётган инқирозга қаратди. Унга кўра, Apple қочқинларга инсонпарварлик ёрдами учун маблағ ажратмоқда. Бундан ташқари, 2 мартдан бошлаб компания ўз ходимлари томонидан тўланган барча фонд хайрияларини икки баравар оширади ва 25 февралдан бошлаб хайрия қилганлар учун ҳам худди шундай қилади.

«Apple Украинадаги ҳар бир ходим билан боғланди ҳамда ходимларига ва уларнинг оилаларига ёрдам бериш учун ҳамма нарсани қилмоқда», дейилади хатда.

Кукнинг сўзларига кўра, Украина жамоасининг барча аъзолари ва ёрдамга муҳтож бошқа ходимлар бунга ишонишлари мумкин. Шунингдек, бундай лаҳзалар ҳамжиҳатликка, жасоратга чорлайди, шунингдек, инсонлар ҳеч қачон инсонийликни йўқотмаслик кераклигини эслатади.

«Ушбу оғир дамларда биз бир-биримизга, фойдаланувчиларимизга бўлган садоқатимиз ва дунёда яхшилик учун куч бўлиш истагимизда бир эканлигимизни билиб, таскин топаман», — деб якунлади Apple бош директори ўз мактубини.

Бундан олдин компания Россияда ўзининг барча маҳсулотларини етказиб бериш ва сотишни тўхтатиб қўйгани, шунингдек, хизматлардан, жумладан Apple Pay’дан фойдаланишни чеклагани ҳақида эълон қилган эди.

RT News ва Sputnik News энди Россиядан ташқаридаги App Store’да юклаб олиш мумкин эмас. Бундан ташқари, хавфсизлик чораси сифатида компания Украинада Apple Maps’ни ўчириб қўйди.

Аввалроқ Apple Россия банкларининг иловаларини блоклашни бошлагани хабар қилинганди. Шунингдек, Канада биринчи бўлиб Россия нефтидан воз кечгани ҳақида хабар берилди.