АҚШ Федерал захира тизими (ФЗТ) базавий ставка оралиғини 0,25 фоиз пунктига кўтариб, йилига 4,5-4,75 фоизгача оширди. Бундай фоизда АҚШдаги тижорат банклари бир-бирларига қисқа муддатга кредит беради, дея хабар берди мамлакат регулятори.

Маълумотларга кўра, бу 2007 йилдан бери энг юқори кўрсаткичдир. Reuters’нинг маълум қилишича, ўшанда Америка иқтисодиёти узоқ давом этган ва чуқур таназзул ёқасида бўлган.

2023 йилнинг 1 февралида бўлиб ўтган йиғилишда ставканинг оширилиши кетма-кет саккизинчи ва 2022 йилнинг март ойидан бери минимал кўрсаткич ҳисобланади, ўшанда АҚШ Федерал захира тизими пул-кредит сиёсатини қаттиқлаштириш циклини бошлаган. Ўсиш суръати кетма-кет иккинчи марта секинлашди: 2022 йил июнь-ноябрь ойларидаги йиғилишларда ҳар сафар ставка 75 асосий пунктга ошган бўлса, декабрда — 50 базавий пунктга, ҳозир — 25 базавий пунктга.

Регулятор аста-секин пасайиб бораётган инфляцияга қарши кураш сиёсатини кучайтирмоқда. 2022 йил декабрь ойида АҚШда нархлар 2021 йилнинг шу ойига нисбатан 6,5 фоизга ошди, бу 2021 йил октябрь ойидан бери бир йилдан кўпроқ вақт давомидаги минимал кўрсаткичдир. Нархларнинг ўсиши 2022 йил июнь ойида энг юқори чўққига (9,1 фоиз) чиққандан кейин кетма-кет олтинчи ой секинлашди. Шунга қарамай, бу кўрсаткич ҳали ҳам АҚШ Федерал захира тизимининг 2 фоизлик кўрсаткичидан анча юқори.

Lazard консалтинг компаниясининг катта бозор стратеги Рональд Темпл Bloomberg агентлигига таъкидлашича, ФЗТ инфляция ҳақиқатан ҳам назорат остида бўлмагунча ўзининг кескинлашув циклини тўхтатиб қўйиши даргумон.

Reuters’га кўра, иқтисодий статистика аввалги регулятор йиғилишига нисбатан яхшиланди: инфляция секинлашмоқда, иқтисодиёт эса ўсишда ва иш ўринлари яратишда давом этмоқда.

CNBC’нинг ёзишича, Федерал захира тизими раҳбари Жером Пауэлл регулятор иқтисодиётнинг «юмшоқ пастлашига» эришиши ва шу билан бирга, инфляцияни юмшатиш сиёсатига қайтиш учун етарли даражада бостириши мумкинлиги ҳақидаги инвесторларнинг умидлари асосида ўсиб бораётган молиявий бозорларнинг реакциясини ушлаб туриши қийин бўлади.