Миллиардер Уоррен Баффет бошчилигидаги Berkshire Hathaway компанияси Alleghany суғурта компаниясини 11,6 миллиард долларга сотиб олишга рози бўлди. Бу ҳақда Bloomberg сармоя компанияси баёнотига таяниб хабар берди.

Таъкидланишича, Berkshire Hathaway Alleghany’нинг барча муомаладаги акцияларини ҳар бир акция учун 848,02 долларга сотиб олади. Битим акциялари нархи сўнгги 30 кундаги Alleghany акцияларининг нархидан 29 фоиз юқори ва уларнинг йил давомидаги максимал нархидан 16 фоизга ошди.

Alleghany билан тузилган шартнома шартлари суғурталовчига бошқа сотиб олиш таклифларини кўриб чиқиш учун 25 кун вақт беришини назарда тутади. Berkshire битими 2022 йилнинг тўртинчи чорагида амалга оширилиши кутилмоқда.

Alleghany’ни сотиб олиш Berkshire’нинг 2016 йилдаPrecision Castparts’ни 37,2 миллиард долларга сотиб олганидан кейинги энг йирик битимидир.

Бундан ташқари, келишув Berkshire’га 150 миллиард долларлик тўпланган пул захираларининг бир қисмини жозибадор юқори рентабелликдаги активларга сарфлаш имкониятини беради.