BMW компанияси M3 Touring прототипини намойиш этди (фото)
Немис автомобиль ишлаб чиқарувчисининг Instagram’даги расмий саҳифасида моделнинг суратлари эълон қилинди.
BMW компанияси M3 моделидаги «зарядланган» прототипини намойиш этди — янги модификация автомобиль тарихидаги биринчи M-универсали бўлади. Бу ҳақда «Коммерсантъ» хабар берди.
Немис автомобиль ишлаб чиқарувчисининг Instagram’даги расмий саҳифасида эълон қилинган суратларга қараганда, янги модель Швециянинг Арьеплуг шаҳридаги полигонда ҳайдовчилик синовларидан ўтмоқда.
Посмотреть эту публикацию в Instagram
Янги модель ҳақида батафсил маълумот йўқ, аммо техник жиҳатдан BMW M3 Touring BMW M3 седани билан тўлиқ бирлаштирилган бўлиши кутилмоқда. Янги BMW M3 ва BMW M4 премьераси 2020 йилнинг кузида бўлиб ўтган.
Аввалроқ Ford Bronco йўлтанламасининг янги версиясини тақдим этгани хабар қилинганди.
