Президент Шавкат Мирзиёев ишга туширилаётган Uzbekistan GTL заводнинг ноёб технологик устунликлари ва мамлакатдаги бошқа саноат лойиҳаларидан ажралиб турувчи хусусиятлари ҳақида сўз юритди.

Маълум қилинишича, бундай йирик мажмуа шу пайтгача жаҳонда фақат 4 та давлатда — Қатар, Нигерия, Жанубий Африка Республикаси ва Малайзияда барпо этилган. Шунингдек, мажмуа қурилишида бир вақтнинг ўзида 13 мингдан ортиқ муҳандис ва ишчи-қурувчилар қатнашган.

Бундан ташқари, заводда Япония, Корея, Сингапур, АҚШ, Германия, Италия, Буюк Британия, Россия, Хитой каби 24 та давлатдаги 130 га яқин етакчи корхоналарда ишлаб чиқарилган 10 мингдан зиёд ускуналар ўрнатилган. Шу билан бирга, ишлаб чиқаришга доир технологик ечимлар, ускуна ва жараёнларни қўллаш учун 140 та халқаро лицензия ва патент олинган.

Таъкидланишича, ушбу завод республикада ва умуман минтақада нефть-газ-кимё саноати соҳасидаги энг йирик корхонадир.

Аввалроқ Шавкат Мирзиёев Қашқадарёда Uzbekistan GTL заводини очиб бергани хабар қилинганди.