Fitch Ratings Ўзбекистоннинг суверен кредит рейтинги баҳосини барқарор даражада тасдиқлади
Fitch Ratings Ўзбекистоннинг суверен кредит рейтинги баҳосини BB- (барқарор) даражада тасдиқлади. Мамлакатнинг хом-ашё товарларига боғлиқлиги, институционал ва бошқарув сифати даражаларининг сустлиги, юқори инфляция даражаси, ва аҳоли жон бошига ЯИМнинг пастлиги кредит рейтингини чекловчи омиллар сифатида келтирилган.
Fitch Ratings халқаро рейтинг агентлиги Ўзбекистоннинг суверен кредит рейтинги баҳосини BB- (барқарор) даражада тасдиқлади. Бу ҳақда агентликнинг Ўзбекистон суверен кредит рейтинги бўйича навбатдаги ҳисоботида сўз боради.
Ҳисоботга кўра, Ўзбекистон суверен кредит рейтингининг баҳоси BB- (барқарор кутилма) даражада тасдиқланди.
Ҳисоботда таъкидланишича, Ўзбекистоннинг мустаҳкам ташқи ва фискал захиралари, мўътадил давлат қарзи даражаси ва BB рейтингига эга мамлакатларга нисбатан юқори ўсиш суръатлари республика суверен кредит рейтингини қўллаб-қувватловчи омиллардан ҳисобланади.
Шу ўринда, мамлакатнинг хом-ашё товарларига боғлиқлиги, институционал ва бошқарув сифати даражаларининг сустлиги, юқори инфляция даражаси, ва аҳоли жон бошига ялпи ички маҳсулотининг (ЯИМ) пастлиги республика кредит рейтингини чекловчи омиллар сифатида келтирилган.
Қайд этилишича, Ўзбекистон геосиёсий вазиятнинг дастлабки таъсирига бардош бера олгна, мамлакат иқтисодиёти ташки шокларга қарши чидамлилик намойиш этишда давом этмоқда.
Мавзуга доир:
