Американинг Google компанияси ўзининг Pixel Watch «ақлли» соатини ишлаб чиқмоқда. Бу ҳақда Business Insider компаниянинг ички ҳужжатларига таяниб, ёзмоқда.

Қайд этилишича, соатнинг рақамлаштирилган номи Rohan, деб номланган. «Ақлли» соатлар экран атрофида рамкасиз думалоқ циферблатга, шунингдек, юрак уриш тезлиги монитори ва қадамларни ҳисоблаш функциясига эга бўлади. Шундай қилиб, қурилма жисмоний фаоллик кўрсаткичларини ва фойдаланувчининг соғлиғи ҳолатини ўқий олади.

Хабарга кўра, айни вақтда Google компаниясининг янги гаджети уни ишлаб чиқишда иштирок этмаган компания ходимлари томонидан синовдан ўтказилмоқда.

Қурилма Google компаниясига 2,1 миллиард долларга тушган Fitbit фитнес браслетидан анча қиммат бўлиши кутилмоқда. Нарх нуқтаи назаридан Google ишлаб чиқаётган «ақлли» соат Apple’нинг Apple Watch соати билан рақобатлаша олиши мумкин.

Аввалроқ Google’га эгалик қилувчи Alphabet компанияси сунъий интеллект технологияларидан фойдаланган ҳолда янги дориларни ишлаб чиқадиган Isomorphic Labs стартапини ишга туширгани хабар қилинганди.