Россия бизнесида 2021 йил бетартиблик кўп бўлди, деди миллиардер, СУЭК ва «Еврохим»нинг асосий акциядори Андрей Мельниченко Forbes’га Россия саноатчилар ва тадбиркорлар иттифоқи (РСПП) конгрессида.

Forbes Real-Time рейтингига кўра, унинг бойлиги 25,3 миллиард долларга баҳоланган.

«Солиқ режимидаги ўзгаришлар глобал ўзгаришлар, экспорт божлари ва «тартибга солиш»га йўл қўймаслик тўғрисидаги амалдаги келишувга зид», — дея йил якунларини сарҳисоб қилди тадбиркор.

Шу билан бирга, у гап ҳукумат келишувларни бузаётганида эмаслигини таъкидлади.

Магнитогорск металлургия заводининг миллиардер эгаси Виктор Рашников (бойлиги — 12,5 миллиард доллар) ўтаётган йилни яхши деб ҳисоблашини таъкидлади.

«Ҳафа бўлишнинг ҳожати йўқ, умуман олганда, йил жуда яхши бўлди», — деди тадбиркор.

Рашников келаси йилнинг хатарлари ҳақида гапирар экан, асосийси савдо бозорига эга бўлиш эканини айтди.

«Агар савдо учун бозор мавжуд бўлса, прогнозларга кўра, металлга талаб бўлади, шунинг учун биз савдо қиламиз. Чет элда талаб катта, лекин биз кўп жойда чекланганмиз. Биз кўпроқ ички бозорга таянамиз, корхоналаримиз ички бозорга йўналтирилган», — деди тадбиркор.

Ноябрь ойи охирида Россия президент Владимир Путин 2022 йилдан бошлаб темир рудаси, коксланадиган кўмир ва калий тузларига фойдали қазилмаларни қазиб олиш солиғини ошириш, шунингдек, суюқ пўлатга акциз солиғини жорий этиш тўғрисидаги қонунни имзолаганди.