Хитой ҳукумати Alibaba’ни монополияга қарши қонунни бузгани учун жаримага тортди
Хитой ҳукумати яқинда бундай қонунбузарликларнинг 43 та ҳолатини қайд этган
Хитой Бозор назорати бош давлат бошқармаси Alibaba ва мамлакатдаги бошқа бир қатор йирик компанияларни монополияга қарши қонунчиликни бузгани учун жаримага тортди. Бу ҳақда бошқарма сайтида чоп этилган хабарда айтилади.
Бошқарма, шунингдек, Suning етакчи чакана савдо компаниялари ва Tencent инвестиция холдингларидан бири бўлган Baidu веб-хизматлари операторининг ҳисоботида қонунбузарликларни аниқлаган. Уларга 500 минг юань (тахминан 78 минг доллар) миқдорида жарима тўлаш юклатилган.
Хитой ҳукумати 43 та ҳолатда шундай қонунбузарликларни қайд этган. Хитой раиси Си Цзиньпин август ойида ҳукумат бозорни монополлаштиришни чеклаб, кичик ва ўрта бизнес манфаатларини ҳимоя қилиш сиёсатини олиб боришини айтганди.
Унинг фикрича, Хитойнинг ваколатли давлат органлари мамлакатда социалистик типдаги бозор иқтисодиётининг юқори самарали механизмларини шакллантиришга кўмаклашиши керак.
Аввалроқ Alibaba акциялари нархи Гонконг фонд биржасида рекорд даражада тушиб кетгани ҳақида хабар берилганди.