Хитойдаги давлат телеканали Жек Мага қарашли Ant Group’ни коррупцияда айблади
Хитойда тартибга солувчи орган энг йирик технология компаниялари устидан назоратни кучайтиришга ваъда берди.
Хитой давлат телеканалида эфирга узатилган ҳужжатли фильмда Жек Мага қарашли Ant Group коррупцияда айбланди. Бу ҳақда Financial Times ёзмоқда.
Фильмда айтилишича, компаниялар Коммунистик партия собиқ котибининг укасига чегирмали нархда кўчмас мулк сотиб олишда ёрдам бериш эвазига пул тўламоқда. Гап Ant Group ҳақида кетмоқда, деб ёзади Financial Times очиқ ҳужжатлар ва битимларга яқин икки манбадан олинган маълумотларга таяниб.
Фильмда август ойида коррупцияда айбланиб ҳибсга олинган амалдор Чжоу Цзяньюн ва коррупцион схемалар ҳақида гапирилади. Нашр 2019 йилда Ant Group Цзяньюннинг акасига қарашли компанияга 489 минг доллар сармоя киритганини тасдиқловчи ҳужжатларни топган. Бунда ер олди-сотдиси бўйича коррупцион ҳолат аниқланган.
Фильм чиққанидан сўнг Коммунистик партиянинг Порахўрликка қарши комиссияси «ҳокимият ва капитал ўртасидаги алоқани узиш учун» мамлакатдаги энг йирик интернет компаниялари устидан назоратни кучайтиришини маълум қилди.
