Илон Маск АҚШни нефть ва газ қазиб олишни оширишга чақирди
Миллиардернинг фикрича, қайта тикланадиган энергия ҳали Россиядан импорт ўрнини боса олмайди.
Tesla асосчиси Илон Маск АҚШда нефть ва газ қазиб олишни кўпайтиришга чақирди. Бу ҳақда тадбиркор ўзининг Twitter саҳифасида ёзди.
«Бу ҳақда гапириш қийин, лекин биз зудлик билан нефть ва газ қазиб олишни оширишимиз керак. Фавқулодда вазиятлар фавқулодда чораларни талаб қилади», — деб ёзди Маск.
Tesla раҳбари бу унинг электромобиль компаниясига салбий таъсир кўрсатишини тан олади, бироқ «барқарор энергия ечимлари Россиядан нефть ва газ импортини дарҳол қоплай олмайди», деди у.
Аввалроқ SpaceX асосчиси Илон Маск ўзининг Starlink тармоғидаги россиялик ахборот манбаларини блоклашдан бош тортгани хабар қилинганди. Шунингдек, Запорожье АЭСидаги ёнғин ҳақидаги хабардан сўнг Brent маркали нефть нархи бир баррели учун 114 доллардан ошиб, 3,4 фоизга қимматлашгани ҳақида хабар берилди.
