«Ипотека банк» биринчи ярим йилликда 404 млрд сўмдан ортиқ соф фойда кўрди
Молия ҳисоботлари халқаро стандартларининг «Ипотека-банк» бўйича ҳисоботи эълон қилинган
«Ипотека банк» Молия ҳисоботлари халқаро стандартлари (МҲХС) ҳисоботи бўйича юқори операцион кўрсаткичлар ва харажатларни самарали бошқариш ҳисобига 404,4 миллиард сўм соф фойда олишга эришди. Бу ҳақда банк матбуот хизмати хабар берди.
Маълум қилинишича, 2021 йилнинг биринчи ярим йиллигида, МҲХС ҳисоботи бўйича «Ипотека банк» АТИБ юқори операцион кўрсаткичлар ва харажатларни самарали бошқариш ҳисобига 404,4 миллиард сўм соф фойда олишга эришган. Таъкидланишича, ушбу кўрсатгич 2020 йилнинг биринчи ярим йиллигига нисбатан 70 фоизга кўпдир.
Қайд этилишича, «Ипотека банк» халқаро тажрибага асосланган корпоратив бошқарувни интеграция қилиб бориш билан бирга, нуфузли институционал инвесторлардан капитал жалб қилиш тажрибасига эга. Шунингдек, Ўзбекистонда стратегик инвестор томонидан хусусийлаштирилган биринчи банк бўлиши кутилмоқда.
Аввалроқ «Капиталбанк» ўз мижозларига мурожаат билан чиққани хабар қилинганди. Шунингдек, Марказий банк ва Жаҳон банки валюта сиёсатини либераллаштиришни муҳокама қилгани ҳақида хабар берилди.
