Дунёнинг энг йирик банклардан бири JPMorgan Chase & Co. АҚШ Қимматли қоғозлар ва биржалар комиссияси (SEC) ҳамда АҚШ товар фючерс савдо комиссияси (CFTC) қарори билан 200 миллион доллар жарима тўлайди. Бу ҳақда Bloomberg хабар берди.

Қайд этилишича, жарима миқдори ҳали якуний эмас. Манбаларга кўра, у ўзгариши мумкин. Якуний қарорни SEC қабул қилади. Жазога банк раҳбарияти томонидан жорий йилнинг бошида ходимларнинг ўзаро ёзишмалари ва суҳбатларини кузатгани сабаб бўлган.

Хабарга кўра, банк ва ҳар икки комиссия вакиллари ҳолатга изоҳ беришдан бош тортган.

Қайд этиш керакки, бу JPMorgan банки тарихидаги ходимлар билан боғлиқ биринчи муаммо эмас. Жумладан, 2016 йилда банк Хитойнинг нуфузли амалдорларининг фарзандларини ХХРдан фойдали шартномалар олиш мақсадида ишга қабул қилгани билан боғлиқ қонун бузулиш ҳолатига йўл қўйгани сабаб 200 миллион доллар жаримага тортилганди.