NASA биринчи марта бошқа сайёрадан ракета учиради
Марсдан ракета учириш лойиҳасининг қиймати 194 млн долларга баҳоланмоқда.
NASA биринчи марта бошқа сайёрадан ракета учиради. Бу ҳақда «Коммерсантъ» хабар берди.
Маълум қилинишича, АҚШ Миллий аэронавтика ва фазо маъмурияти (NASA) Lockheed Martin компанияси билан Марсдан тупроқ намуналарини Ерга қайтаришга ёрдам бериш учун Mars Ascent Vehicle (MAV) ракетасини яратиш бўйича шартнома имзолаганини эълон қилган. Қурилмани ишга тушириш 2026 йилдан олдин режалаштирилган, лойиҳа қиймати 194 миллион долларга баҳоланмоқда.
NASA агентлиги Perseverance («Қатъият») марсдаюрарининг тупроқ намуналарини тўплашини, сўнгра махсус Sample Retrieval Lander (SRL) аппаратининг Езеро кратери ҳудудидаги сайёра юзасига Mars Ascent Vehicle’ни етказишни режалаштирмоқда. Шундан сўнг, MAV ракетаси SRL ёрдамида Марсдан учади ва намуналар юкланган контейнерни орбитадаги космик кемага ўтказади, кема эса уларни Ерга етказиб беради.
Аввалроқ NASA ўзга сайёраликлар топилишига муносабатни баҳолаш учун илоҳиётчиларни ёллагани хабар қилинганди. Шунингдек, NASA Жефф Безоснинг космик компанияси билан шартнома имзолагани ҳақида хабар берилди.
