Тошкентдан тўртта вилоятга экспресс контейнер поездлари қатновлари йўлга қўйилади

18:32 · 10.02.2023

Ўзбекистонда карам етиштирувчилар аномал совуқ туфайли катта зарар кўрди

15:01 · 10.02.2023

Ўзбекистондан Афғонистонга темир йўл қатнови 10 февралдан тикланди

14:21 · 10.02.2023

Ўзбекистон Малайзияда ипакчилик бўйича қўшма корхона ташкил этади

13:27 · 10.02.2023

Самарқанд шаҳри халқаро туризм ва бизнес марказига айлантирилади

12:51 · 10.02.2023

Ўзбекистон, Қозоғистон ва Россия уч томонлама «газ иттифоқи» тузишни тезлаштирмоқда

11:46 · 10.02.2023

«IMEI-кодни рўйхатдан ўтказишни бепул қилгач, жавобгарлик белгиласа бўлади» — Кушербаев

11:06 · 10.02.2023

Meta икки йиллик тақиқдан сўнг Дональд Трампнинг Facebook ва Instagram аккаунтларини тиклади

10:24 · 10.02.2023

Ўзбекистон авиа юк ташувлари соҳасида E-freight халқаро стандарти жорий этилади

20:45 · 09.02.2023

Food city савдо мажмуасидан Қўйлиқ 7-метро бекатигача бепул автобус ҳаракати йўлга қўйилди

18:52 · 09.02.2023

Миср компанияси Ўзбекистонда трансформатор ишлаб чиқариш корхонасини ташкил этади

18:05 · 09.02.2023

Тошкент йўл инфратузилмасини яхшилашда Япония компаниясининг 3D камераларидан фойдаланилиши мумкин

16:40 · 09.02.2023

Тошкент халқаро аэропортида йўловчиларни кутиб олиш учун бир нечта зоналар қурилади

15:47 · 09.02.2023

Транзит, нефть ва туризм: зилзила Туркия иқтисодиётига қандай зарба берди?

14:21 · 09.02.2023

ОТБ Ўзбекистонга иқтисодий бошқарувни яхшилаш учун 150 млн доллар ажратди

13:29 · 09.02.2023

SpaceX Украина ҳарбийларига Starlink ёрдамида дронларни бошқаришни тақиқлади

12:44 · 09.02.2023

Mercator Group савдо тармоғи Ўзбекистонда филиалини очади

11:30 · 09.02.2023

Самарқанд халқаро технология университети ўзининг янги кампус макетини тақдим этди

11:09 · 09.02.2023
Таҳлил 22:30 · 22.01.2022

Ойбек Турсунов ва «Капиталбанк», Ўзбекистонни мисол қилган Дуров ҳамда қулаётган Биткоин — кунлик дайжест

Kommers.uz куннинг энг сара янгиликларини битта дайжестга тўплади.

Ойбек Турсунов ва «Капиталбанк», Ўзбекистонни мисол қилган Дуров ҳамда қулаётган Биткоин — кунлик дайжест
Коллаж: Kommers.uz

Яқин соатларда 2022 йилнинг 22 январь санаси ҳам поёнига етади. Якунланаётган кун Ўзбекистон ва жаҳон ахборот майдонида қайноқ янгиликларга бой бўлди. Kommers.uz уларнинг энг сараларини битта дайжестга тўплади.

Япониядаги заводларини ёпган Toyota

Toyota Япониядаги 11 та заводида ишлаб чиқаришни тўхтатди. Маълум қилинишича, Япониянинг Toyota автомобиль ишлаб чиқарувчиси Япониядаги деярли барча заводларининг ишини тўхтатган. Компания хабарида айтилишича, бунга бутловчи қисмлар, хусусан, микропроцессорларнинг етишмаслиги сабаб бўлган.

Таъкидланишича, ишлаб чиқариш тақвимидаги ўзгаришлар муносабати билан январь ойида Toyota автомобилларини ишлаб чиқариш 47 мингтага қисқаради. Февраль ойида Япониядаги 14 та заводдан 8 таси ишини тўхтатиб қўйиши кутилмоқда.

Янги жамғарма

Қорақалпоғистон Вазирлар Кенгаши, вилоятлар ва Тошкент шаҳар ҳокимликлари ҳузурида тадбиркорлик инфратузилмасини ривожлантириш жамғармалари ташкил этилди. Бу ҳақда «Республика ҳудудларида тадбиркорлик инфратузилмасини ривожлантиришга доир қўшимча чора-тадбирлар тўғрисида»ги Президент фармонида сўз боради.

Жамғармаларни шакллантиришнинг асосий манбаси ерни хусусийлаштиришдан ва ерни ижарага беришдан тушадиган маблағлар ҳисобланади.

Жамғармалар маблағлари қуйидагилар учун сарфланади:

  • «Янги Ўзбекистон», давлат уй-жой дастурларидаги массивларни ташқи муҳандислик-коммуникация билан таъминлаш;
  • 200 миллиард сўмдан ошадиган, инвесторнинг ўз маблағлари 25 фоиздан кам бўлмаган, инвестиция дастурларига киритилган лойиҳаларни ташқи муҳандислик-коммуникация тармоқлари билан таъминлаш;
  • аҳоли пунктлари бош режалари, ҳудудларнинг маъмурий-режалаштирув топшириқлари ва батафсил режалаштириш лойиҳаларини ишлаб чиқиш.

Фармон билан шунингдек, Урбанизацияни ривожлантириш жамғармаси тугатилди.

Ўзбекистонни мисол қилган Дуров

Россия Марказий банки томонидан таклиф қилинган криптовалюталарни тақиқлаш IT-мутахассисларининг мамлакатдан чиқиб кетишига олиб келади ва юқори технологияли иқтисодиётнинг қатор тармоқларини йўқ қилади. Бу ҳақда Telegram раҳбари Павел Дуров ўз каналида ёзмоқда. 

«Ҳеч бир ривожланган давлат криптовалюталарни тақиқламайди. Сабаби: бундай тақиқ муқаррар равишда блокчейн технологияларининг ривожланишини секинлаштиради. Ушбу технологиялар молиядан тортиб санъатгача бўлган кўплаб инсон фаолиятининг самарадорлиги ва хавфсизлигини оширади», — деб ёзади Дуров.

Унга кўра, ҳисоблаш бирликлари сифатида криптовалюталардан фойдаланган ҳолда тақсимланган регистрларга асосланган ечимлар ХХ асрнинг иккинчи ярмидаги эскирган марказлашган молия тизимларини алмаштирмоқда.

«Россиянинг Украинадан тортиб Ўзбекистонгача бўлган қўшнилари ривожланган давлатлардан кейин блокчейн соҳасида илғор қонунларни қабул қилмоқда. Бу давлатлар технологик ва иқтисодий тараққиётдан четда қолишни истамайди», — деб ёзади Дуров.

Миллиардернинг ёзишича, Россия бугунги кунда блокчейн саноатида юқори малакали мутахассислар сони бўйича етакчилардан бири ҳисобланади. Ўйланган тартиб мамлакатга халқаро молия тизимидаги кучлар тақсимотини мувозанатлаш ва янги иқтисодиётнинг асосий иштирокчиларидан бирига айланиш имконини беради.

Ҳар қандай молиявий орган томонидан криптовалюталар муомаласини тартибга солиш истаги билдирилиши табиийдир. 

«Бундай тақиқ виждонсиз ўйинчиларни тўхтатиб қўйиши даргумон, лекин бу соҳадаги қонуний рус лойиҳаларига чек қўяди», — деб ёзади миллиардер.

Ойбек Турсунов ва «Капиталбанк»

Ойбек Турсунов «Капиталбанк» аффилланган шахслари рўйхатидан чиқарилди. Бу ҳақдаги маълумотлар Ягона корпоратив ахборот порталида эълон қилинган.

Ойбек Турсунов молия муассасасининг асосий акциядори бўлгани учун 2021 йилнинг ноябрь ойидан буён ушбу рўйхатга киритилган эди.

Эслатиб ўтамиз, 29 октябрь куни Ойбек Ботирович Турсунов «Капиталбанк» акциядорлик тижорат банки устав капиталидаги 34,10 фоиз акцияни сотиб олганди. Шу билан, Банкдаги у эгалик қиладиган жами акциялар 50 фоизга етди.

Шунингдек, миллиардер Алишер Усмоновга тегишли USM Holding компаниясининг шўъба корхонаси бўлган «Телекоминвест» ноябрь ойида «Капиталбанк»нинг 215,3 миллиард сўмлик акцияларини сотиб олди.

«Телекоминвест» 2022 йил январь ойида «Капиталбанк»нинг 8,33 фоиз акциясини сотиб олганидан сўнг компаниянинг банкдаги умумий акциялари 25 фоизга етди. 

АҚШ ва Қатар музокаралари

АҚШ Президенти Жо Байден маъмурияти вакиллари Қатар билан Европага суюлтирилган газ етказиб бериш бўйича музокаралар олиб бормоқда. Маълумотларга кўра, Байден Қатар амири Шайх Тамим бин Ҳамад Ол Сонийни АҚШга таклиф қилмоқчи. Учрашув январь ойида бўлиб ўтиши мумкин, унга тайёргарлик анча вақтдан бери давом этмоқда.

Украина атрофидаги вазият туфайли Россияга қарши санкциялар қиш ўрталарида Россия газини етказиб бериш тўхтатилиши ёки чекланишига олиб келиши мумкин. АҚШ расмийлари газ етказиб берилишининг тўхтатилишидан хавотирда бўлган Европа давлатларининг қўрқувини йўқотмоқчи. Таъкидланишича, Европа газнинг 40 фоиздан ортиғини Россиядан олади.

Қатар, ўз навбатида, суюлтирилган газ бўйича дунёдаги энг йирик ишлаб чиқарувчилардан бири бўлиб, ўз ёқилғисининг тўртдан уч қисмини Япония ва Корея каби кам энергия сарфлайдиган Осиё мамлакатларига сотади. Қатар мамлакатда ишлаб чиқарилган суюлтирилган газнинг тахминан 5 фоизини Европага етказиб беради.

JPMorgan банки раҳбари орттирган бойлик

JPMorgan бош директори Жейми Даймон 2021 йил 34,5 миллион доллар ишлаб топди. Активлари бўйича АҚШнинг энг йирик банки JPMorgan Chase & Co. бош директори Жейми Даймон 2021 йил учун 34,5 миллион доллар компенсация олади. Даймоннинг умумий компенсацияси миқдори 2020 йилга нисбатан 3 миллион долларга ошади.

Банк раҳбарининг базавий маоши 2011 йилдан бошлаб 1,5 миллион доллар қилиб белгиланган, яна 5 миллион долларни бонус сифатида олади. Иш ҳақининг асосий қисми эса акциялар кўринишида тўланади. Даймон бу акциялардан компания маълум мақсадларга эришгач, бир неча йил ўтиб фойдаланиши мумкин.

Таъкидланишича, JPMorgan 2021 йили 48,3 миллиард доллар соф даромад олган. Бу кўрсаткич аввалги рекордга нисбатан учда бир баравар кўп.

Даймон 2005 йилдан бери банкнинг бош директори лавозимида ишлаб келади. 2021 йилнинг бошида у банкдан 50 миллион доллар миқдорида махсус бонус олган эди. Шу билан JPMorgan уни камида яна беш йил бош директор лавозимида қолдиришга уринган.

Қулаётган Биткоин

Биткоин курси 9 фоизга тушиб, ярим йилликдаги минимумни янгилади. Маълум қилинишича, 22 январь куни эрталаб биткоин нархи 2021 йил 24 июлдан бери минимум қийматни янгиланиб, 35,1 минг долларни ташкил этган. Шунингдек, ўтган кеча-кундузда биринчи рақамли криптовалюта нархи 9 фоизга арзонлашган.

Биткоин нархи 20 январь куни кечқурун унинг курси 43,5 минг доллардан ошиб кетгач кескин пасайишни бошлаган. 2021 йил 10 ноябрда белгиланган тарихий максимал — 69 минг доллардан криптовалюта 48 фоизга — деярли ярмига арзонлашган.

Криптовалюта бозоридаги пасайиш S&P 500 индексининг қисқариши билан боғлиқ бўлиши мумкин, бу индекс 20 январдаги савдо сессияси натижаларига кўра 1 фоизга, 21 январда эса яна 2 фоизга пасайишда давом этган. Бундан олдин, 19 январь куни Arcane Research таҳлилий компанияси биткоин алмашинув курси ва S&P 500 индекси ўртасидаги корреляция 2020 йил октябрь ойидан бери рекорд даражага етганини хабар қилган эди.

Олдиндаги кун омадли келсин. Kommers.uz энг қайноқ янгиликларни ишончли тарзда етказишда давом этади.

Тошкентдан тўртта вилоятга экспресс контейнер поездлари қатновлари йўлга қўйилади
Бизнес 18:32 · 10.02.2023
Тошкентдан тўртта вилоятга экспресс контейнер поездлари қатновлари йўлга қўйилади
Ўзбекистонда карам етиштирувчилар аномал совуқ туфайли катта зарар кўрди
Бизнес 15:01 · 10.02.2023
Ўзбекистонда карам етиштирувчилар аномал совуқ туфайли катта зарар кўрди
Ўзбекистондан Афғонистонга темир йўл қатнови 10 февралдан тикланди
Янгиликлар 14:21 · 10.02.2023
Ўзбекистондан Афғонистонга темир йўл қатнови 10 февралдан тикланди
Ўзбекистон Малайзияда ипакчилик бўйича қўшма корхона ташкил этади
Бизнес 13:27 · 10.02.2023
Ўзбекистон Малайзияда ипакчилик бўйича қўшма корхона ташкил этади
Самарқанд шаҳри халқаро туризм ва бизнес марказига айлантирилади
Бизнес 12:51 · 10.02.2023
Самарқанд шаҳри халқаро туризм ва бизнес марказига айлантирилади
Ўзбекистон, Қозоғистон ва Россия уч томонлама «газ иттифоқи» тузишни тезлаштирмоқда
Иқтисодиёт 11:46 · 10.02.2023
Ўзбекистон, Қозоғистон ва Россия уч томонлама «газ иттифоқи» тузишни тезлаштирмоқда