«Ўзбекистон республика товар-хом ашё биржаси» очиқ савдоларида 28 февраль–6 март кунлари жами 2 триллион 257,3 миллиард сўмлик товар ресурслари сотилди. Бу ҳақда биржа матбуот хизмати хабар берди.

Сотувчи корхоналар маҳсулотларни тасдиқланган жадвалларга риоя қилган ҳолда биржа савдоларига қўйди. Ўтган ҳафта мобайнида биржа савдоларига 11 минг 764,0 тонна омухта ем қўйилди ва улардан 11 минг 296,0 тонна, яъни 96 фоиз ҳажми сотилди. Омухта емнинг ўртача кунлик сотув ҳажмлари 2259,0 тоннани ташкил қилди.

Кўриб чиқилаётган даврда омухта ем учун шаклланган кунлик ўртача нархлар маҳсулотнинг бир тоннаси учун 1 нархлар 966,6 минг сўмдан 1 миллион 873,8 минг сўмгача, яъни 4,7% фоизга пасайди. Ўтказилган савдоларда ҳар куни ўртача 156 харидор иштирок этди.

Шунингдек, ўтган ҳафта мобайнида биржа савдоларида 135,1 минг тонна цемент сотилди. Ўртача кунлик сотув ҳажмлари 27,0 минг тоннани ташкил қилди.

Кўриб чиқилаётган даврда цементнинг барча маркалари бўйича шаклланган кунлик ўртача нархлар маҳсулотнинг бир тоннаси учун 580,0 минг сўмдан 603,8 минг сўмгача кўтарилди. Ўтказилган савдоларда ҳар куни ўртача 262 харидор иштирок этди.

Бундан ташқари, ўтган ҳафта мобайнида биржа савдоларига 4022,0 тонна полиэтилен қўйилди ва улардан деярли барча ҳажми сотилди. Полиэтиленнинг ўртача кунлик сотув ҳажмлари 804,0 тоннани ташкил қилди.

Кўриб чиқилаётган даврда полиэтиленнинг барча маркалари бўйича шаклланган кунлик ўртача нархлар маҳсулотнинг бир тоннаси учун 16 миллион 660,2 минг сўмдан 16 миллион 614,3 минг сўмгача пасайди. Ўтказилган савдоларда ҳар куни ўртача 79 харидор иштирок этди.

Аввалроқ Ўзбекистон энг кўп цемент импорт қилаётган 5 та давлат ҳақида хабар берилганди. Шунингдек, Ўзбекистонда юридик шахсларга цементни чекловларсиз экспорт қилишга рухсат берилиши хабар қилинди.