«Ўзбекистон республика товар-хом ашё биржаси» очиқ савдоларида 14–20 февраль кунлари жами 2 триллион 259,1 миллиард сўмлик товар ресурслари сотилди. Бу ҳақда биржа матбуот хизмати хабар берди.

Сотувчи корхоналар маҳсулотларни тасдиқланган жадвалларга риоя қилган ҳолда биржа савдоларига қўйган. Ўтган ҳафтада биржа савдоларида 1308,0 тонна пахта ёғи сотилган. Ўтказилган савдоларда ҳар куни ўртача 54 харидор иштирок этган. Ўртача кунлик сотув ҳажмлари 262,0 тоннани ташкил қилган.

Кўриб чиқилаётган даврда барча навли пахта ёғининг кунлик ўртача нархлари маҳсулотнинг бир тоннаси учун 16 миллион 145,4 минг сўмдан 15 миллион 20,5 минг сўмгача, яъни 7,0 фоизга пасайган.

Шунингдек, ўтган ҳафта мобайнида биржа савдоларида 118 минг 615,0 тонна цемент сотилган. Ўртача кунлик сотув ҳажмлари 23,7 минг тоннани ташкил қилган.

Кўриб чиқилаётган даврда цементнинг барча маркалари бўйича шаклланган кунлик ўртача нархлар маҳсулотнинг бир тоннаси учун 571,6 минг сўмдан 566,3 минг сўмгача пасайган. Ўтказилган савдоларда ҳар куни ўртача 307 харидор иштирок этган.

Бундан ташқари, ўтган ҳафта мобайнида биржа савдоларига 2267,0 тонна полиэтилен қўйилган ва улардан барча ҳажми сотилган. Полиэтиленнинг ўртача кунлик сотув ҳажмлари 453,0 тоннани ташкил қилган.

Кўриб чиқилаётган даврда полиэтиленнинг барча маркалари бўйича шаклланган кунлик ўртача нархлар маҳсулотнинг бир тоннаси учун 19 миллион 363,5 минг сўмдан 18 миллион 71,4 минг сўмгача, яъни 6,7 фоизга пасайган. Ўтказилган савдоларда ҳар куни ўртача 62 харидор иштирок этган.

Аввалроқ Ўзбекистон 2021 йил энг кўп цемент импорт қилган 10 та давлат ҳақида хабар берилганди. Шунингдек, Ўзбекистонда уруғлик чигит ва дон тайёрлаш цехларига 26,5 миллион доллар ажратилиши хабар қилинди.