Ўзбекистонда 10 ойда қанча автобус ишлаб чиқарилгани маълум бўлди
Октябрь ойида 77 да автобус ишлаб чиқарилган
Ўзбекистонда 10 ойда 773 дона, октябрь ойида эса 77 дона автобус ишлаб чиқарилган. Бу ҳақда Давлат статистика қўмитаси матбуот хизмати хабар берди.
Маълумотларга кўра, Ўзбекистонда 2021 йилнинг январь-октябрь ойларида жами 773 дона автобус ишлаб чиқарилган. Шунингдек, автобус ишлаб чиқариш 2020 йилнинг мос даври билан солиштирилганда 36,6 фоизга ошган.
Қайд этилишича, 2021 йилнинг октябрь ойида 77 дона автобус ишлаб чиқарилган. Шу билан бирга, ишлаб чиқарилган автобуслар сони (январь-октябрь ойларида) қуйидагича ўзгарган:
- 2019 йил — 1 442 та;
- 2020 йил — 566 та;
- 2021 йил — 773 та.
Аввалроқ Ўзбекистонда юк автомобили ишлаб чиқариш ҳажми камайгани хабар қилинганди. Шунингдек, UzAuto Motors компанияси 2022 йилда ишлаб чиқариш ҳажмини камайтириши мумкинлиги ҳақида хабар берилди.
