Ўзбекистонда балиқ овлаш ҳажми 12,2 фоизга ошди
Қишлоқ хўжалиги ташкилотларда овланган балиқ ҳажмида отриш, деҳқон хўжаликларида эса камайиш кузатилган
Ўзбекистонда 2021 йил январь-сентябрь ойларида жами 70 минг 275 тонна балиқ овланган. Бу ҳақда Давлат статистика қўмитаси матбуот хизмати хабар берди.
Қўмита маълумотларига кўра, 2021 йилнинг январь-сентябрь ойларида республикада жами 70 минг 275 тонна балиқ овланган. Ушбу кўрсаткич 2020 йилнинг мос даврига нисбатан 12,2 фоизга ошган.
Овланган балиқнинг юқори ҳажмлари 37 минг 693 тонна ёки умумий ҳажмидан 53,6 фоизи қишлоқ хўжалиги фаолиятини амалга оширувчи ташкилотларда қайд этилган. Аксинча кам ҳажм 4861 тонна (6,9 фоиз) деҳқон (шахсий ёрдамчи) хўжаликларида кузатилган.
Қайд этилишича, 2021 йилда 2020 йилнинг мос даврига нисбатан фермер хўжаликларида 16,3 фоизга ва қишлоқ хўжалиги фаолиятини амалга оширувчи ташкилотларда эса 11,5 фоизга ўсиш қайд этилган. Шунингдек, деҳқон (шахсий ёрдамчи) хўжаликларида аксинча, 2,8 фоизга камайиш кузатилган.
Аввалроқ Ўзбекистонда энг кўп балиқ овланаётган ҳудудлар рейтинги эълон қилинганди.
