Ўзбекистонда муомаладаги банк карталарининг сони маълум қилинди
Ўзбекистонда 2022 йилнинг 11 ойи давомида муомаладаги банк карталари сони 6,4 миллион донага ошди
Ўзбекистонда 2022 йилнинг 11 ойи давомида муомаладаги банк карталари сони 6,4 миллион донага ошди. Бу ҳақда Марказий банк хабар берди.
Қайд этилишича, Ўзбекистонда 2022 йилнинг 11 ойи давомида муомаладаги банк карталари сони 6,4 миллион донага ошиб, 1 декабрь ҳолатига кўра, 33,5 миллион донани ташкил этди. Ўсуш 23,8 фоизни ташкил этди. Энг юқори ўсиш «Халқ банки» томонидан амалга оширилган. Хусусан, банк 2022 йилда 1,2 миллион дона банк карталарини муомалага киритган.
Бундан ташқари, республик бўйича ўрнатилган терминаллар сони 2022 йил 1 декабрь ҳолатига кўра, 429 156 тани ташкил этди. Шунингдек, ўрнатилган банкоматлар ва инфокиосклар сони эса 20 291 донага етди. Шу билан бирга, статистикада келтирилишича, 2022 йилнинг январь-ноябрь ойлари давомида Ўзбекистон бўйича тўлов терминаллари орқали тушган тушумлар миқдори 158,4 миллион сўмни ташкил этди.
