Ўзбекистонда ноябрь ойида қанча электромобиль импорт қилингани маълум бўлди
Импорт ҳажми октябрь ойига нисбатан 21 тага ошди.
Ўзбекистонда ноябрь ойида 76 та электромобиль импорт қилинди. Бу ҳақда Давлат статистика қўмитаси матбуот хизмати хабар берди.
Маълумотларга кўра, 2021 йилнинг ноябрь ойида Ўзбекистонга хориждан 76 та электромобиль импорт қилинган. Шунингдек, 2021 йилнинг ноябрь ойида импорт қилинган электромобиллар сони октябрь ойига нисбатан 21 тага ошган.
Хабар қилинишича, Ўзбекистонда ноябрь ойидаги электромобиллар хариди учун 1,8 миллион доллар сарфланган.
Аввалроқ 10 ойда Ўзбекистонга 9 та хорижий давлатдан қиймати 12 миллион долларга тенг бўлган 613 та электромобиль импорт қилингани ҳақида хабар берилганди.
Қайд этилишича, энг кўп электромобиль Хитой (551 та), Туркия (24 та) ва Литва (13 та)дан импорт қилинган.
Шунингдек, Xiaomi йилига 300 мингта электромобиль ишлаб чиқарадиган завод очиши хабар қилинди.
