Ўзбекистонда телефон импорти ошди
Импорт қилинган телефонларнинг умумий қиймати 20,9 млн долларга тенг бўлган
Ўзбекистон октябрь ойида хориждан 303 минг 303 дона мобил телефон импорт қилган. Бу ҳақда Давлат статистика қўмитаси хабар берди.
Маълумотларга кўра, 2021 йилнинг октябрь ойида Ўзбекистон хориждан қиймати 20,9 миллион долларга тенг бўлган 303 минг 303 дона мобил телефон импорт қилган. Шунингдек, октябрь ойида импорт қилинган мобил телефонлар сони сентябрь ойига нисбатан 5460 тага ошган.
Бундан ташқари, Ўзбекистонда 2020 йилда 345 минг 431 дона уяли ва бошқа симсиз алоқа тармоғи учун телефонлар ишлаб чиқарилган. Шу билан бирга, 2021 йилнинг 1 январь ҳолатига, Интернет тармоғига уланган абонентлар сони қарийб 20 миллионни ташкил этган.
Аввалроқ Ўзбекистон энг кўп телефон импорт қилаётган давлатлар рейтинги хабар қилинганди. Шунингдек, Ўзбекистонга октябрь ойида қанча электромобиль импорт қилингани ҳақида хабар берилди.
