Ўзбекистонда автомобилларни ижарага бериш ва лизинг хизматларига юқори талаб қайси ҳудудда кузатилгани маълум бўлди. Бу ҳақда Давлат статистика қўмитаси ҳабар берди.

Маълум қилинишича, республикада 2022 йил январь-сентябрь ойлари якунига кўра, автомобилларни ижарага бериш ва лизинг хизматлари бўйича энг юқори ҳажм Андижон шаҳрида қайд этилди.

Автомобилларни ижарага бериш ва лизинг хизматлари бўйича кўрсатилган хизматларнинг энг юқори ҳажми кузатилган шаҳар ва туманлар ўнталиги:

• Андижон шаҳри — 86 624,2 миллион сўм
• Яккасарой тумани — 75 843,0 миллион сўм
• Миробод тумани — 75 286,5 миллион сўм
• Олмазор тумани — 74 640,5 миллион сўм
• Шайхонтохур тумани — 67 645,2 миллион сўм
• Юнусобод тумани — 62 990,0 миллион сўм
• Сергели тумани — 59 396,6 миллион сўм
• Фарғона шаҳри — 56 413,7 миллион сўм
• Чилонзор тумани — 55 344,7 миллион сўм
• Самарқанд шаҳри — 46 080,9 миллион сўм

Аввалроқ Ўзбекистоннинг қайси ҳудудларида автомобиллар қўпроқ ижарага олиниши ҳақида ҳабар берилганди. Давлат статистика қўмитаси маълумотларига кўра, 2022 йилнинг январь-август ойларида автомобиллар ва енгил автомашиналарни ижарага бериш бўйича хизматлар ҳажми 2 246,7 миллиард сўмни ташкил этди.