Давлат статистика қўмитаси Ўзбекистон 2021 йил энг кўп кофе импорт қилган давлатлар бўйича маълумот берди.

Қайд этилишича, 2021 йилда Ўзбекистон 36 та хорижий давлатдан қиймати 1,9 миллион долларга тенг бўлган қарийб 333 тонна кофе маҳсулотларини импорт қилган.

Кофе маҳсулотлари импорти 2020 йил билан солиштирилганда 2,7 тоннага ошган. 

2021 йилда импорт қилинган кофенинг энг катта улушига эга бўлган давлатлар:

1. Россия – 102,3 тонна;
2. Италия – 95,2 тонна;
3. Бразилия – 49 тонна;
4. Вьетнам – 23,2 тонна;
5. Беларусь – 17,6 тонна;
6. Туркия – 8,2 тонна;
7. Колумбия – 7,7 тонна;
8. Германия – 6,3 тонна.

Аввалроқ дунё бўйлаб қаҳванинг нархи сўнгги 10 йил ичида энг юқори кўрсаткичга етгани ҳақида хабар берилганди.