Давлат статистика қўмитаси Ўзбекистон 2021 энг кўп мобил телефон импорт қилган давлатлар ҳақида маълумот берди.

Ўзбекистон 2021 йилда хориждан қиймати 203,1 миллион AҚШ долларига тенг бўлган қарийб 3 миллион дона мобил телефон импорт қилган.

Телефон импорти 2020 йилга нисбатан солиштирилганда 1,7 миллион донага ошган.  Ўзбекистон 16 та давлатдан мобил телефонлар импорт қилган.  

Ўзбекистон мобил телефонларни энг кўп импорт қилган давлатлар:

1. Хитой — 102,4 миллион;
2. Вьетнам — 80,7 миллион;
3. Ҳиндистон — 11,9 миллион;
4. Қозоғистон — 5,3 миллион;
5. БАА — 1,9 миллион;
6. Германия — 647 минг
7. Россия — 176 минг АҚШ доллари.

Аввалроқ Ўзбекистонда божхона тўловининг дастлабки қарорини олиш тадбиркорлар учун ихтиёрий бўлгани ҳақида хабар берилганди.