Ўзбекистон 2021 йилда 786 та юк автомобиллари экспорт қилди. Бу ҳақда Давлат статистика қўмитаси матбуот хизмати хабар берди.

Маълумотларга кўра, 2021 йилда Ўзбекистон 9 та хорижий давлатга қиймати 13,3 миллион долларга тенг бўлган 786 та юк автомобили экспорт қилган. Юк автомобиллари экспорти 2020 йил билан солиштирилганда 7 тага ошган.

Қайд этилишича, Ўзбекистон 2021 йилда юк автомобилларини энг кўп экспорт қилган давлатлар қуйидагилардан иборат:

1. Қозоғистон — 569 та;
2. Қирғизистон — 86 та;
3. Сингапур — 71 та;
4. Афғонистон — 29 та;
5. Тожикистон — 10 та;
6. Озарбайжон — 8 та.

Аввалроқ Ўзбекистон энг кўп юк автомобили импорт қилаётган давлатлар хабар қилинганди.