Ўзбекистон Давлат статистика қўмитаси асосан қайси давлатларга енгил автомобиль экспорт қилинаётгани бўйича ахборот эълон қилди.

Маълумотларга кўра, 2021 йилнинг январь-ноябрь ойларида Ўзбекистон енгил автомобиль экспорт қилган асосий давлатлар қуйидагилардан иборат:

1. Қозоғистон — 28 минг 651 та;
2. Украина — 744 та;
3. Россия — 448 та;
4. Озарбайжон — 253 та;
5. Афғонистон — 128 та;
6. Тожикистон — 72 та;
7. Қирғизистон — 30 та.

Аввалроқ Ўзбекистон энг кўп юк машинаси экспорт қилаётган давлатлар хабар қилинганди. Қайд этилишича, Ўзбекистон 10 ойда Қозоғистонга — 505 та, Қирғизистонга — 84 та, Сингапурга — 71 та юк автомобили экспорт қилган.

Шунингдек, Ўзбекистонда энг кўп ишлаб чиқарилаётган автомобиллар ҳақида хабар берилди. Маълум бўлишича, 2021 йилнинг 11 ойида энг кўп Cobalt автомобили — 61 минг 073 дона ишлаб чиқарилган.