Ўзбекистонга январь ойида 12 та хорижий давлатдан енгил автомобиль олиб келинди. Бу ҳақда Давлат статистика қўмитаси матбуот хизмати хабар берди.

Маълумотларга кўра, 2022 йилнинг январь ойида Ўзбекистон 12 та хорижий давлатдан қиймати 65,7 миллион долларга тенг бўлган 3037 та енгил автомобиль импорт қилган. Енгил автомобиллар импорти 2021 йилнинг мос даври билан солиштирилганда 2819 тага ёки қарийб 14 баробарга ошган.

Қайд этилишича, 2022 йилнинг январь ойида Ўзбекистон енгил автомобилларни энг кўп импорт қилган давлатлар:

1. Хитой — 1781 та;
2. Корея — 1136 та;
3. Россия — 85 та;
4. АҚШ — 10 та;
5. Қозоғистон — 7 та;
6. Япония — 4 та;
7. Туркия — 3 та;
8. Германия — 3 та;
9. Уммон — 3 та;
10. БАА — 2 та.

Аввалроқ ОТБ Ўзбекистон миллий автомобиль йўлларини реконструкция қилиш учун 273 миллион доллар кредит ажратгани хабар қилинганди. Шунингдек, Ўзбекистонда январь ойида энг кўп ишлаб чиқарилган 5 та автомобиль ҳақида хабар берилди.