Ўзбекистонга 2021 йилнинг январь-октябрь ойларида 613 та электромобиль импорт қилинди. Бу ҳақда Давлат статистика қўмитаси матбуот хизмати хабар берди.

Маълумотларга кўра, 10 ойда Ўзбекистонга 9 та хорижий давлатдан қиймати 12 миллион долларга тенг бўлган 613 та электромобиль импорт қилинган. Шунингдек, электромобиль импорти 2020 йилнинг мос даври билан солиштирилганда 526 тага ёки қарийб 7 баравардан ошган.

Қайд этилишича, Ўзбекистон 10 ойда қуйидаги давлатлардан электромобилларни импорт қилган:

1. Хитой — 551 та;
2. Туркия — 24 та;
3. Литва — 13 та;
4. Германия — 9 та;
5. АҚШ — 7 та;
6. Корея — 5 та;
7. Испания — 2 та;
8. Россия — 1 та;
9. Гонгконг — 1 та.

Маълумот ўрнида, октябрь ойида Ўзбекистон хориждан 55 та электромобиль импорт қилган.

Аввалроқ Ўзбекистонга октябрь ойида қанча электромобиль импорт қилингани хабар қилинганди. Шунингдек, Apple руль ва педалларсиз электромобиль ишлаб чиқариши ҳақида хабар берилди.