Рейтинг. Ўзбекистон энг кўп телефон импорт қилаётган 5 та давлат
Телефон импорти 2021 йилга нисбатан 33,5 минг донага ошди.
Ўзбекистон январь ойида 129 минг 766 дона телефон импорт қилди. Бу ҳақда Давлат статистика қўмитаси матбуот хизмати хабар берди.
Маълумотларга кўра, Ўзбекистон 2022 йилнинг январь ойида хориждан қиймати 14,9 миллион долларга тенг бўлган 129 минг 766 дона мобил телефон импорт қилган. Телефон импорти 2021 йилнинг мос даврига нисбатан солиштирилганда 33 минг 552 донага ошган.
Қайд этилишича, Ўзбекистон 8 та давлатдан мобил телефонлар импорт қилган. Ўзбекистон январь ойида мобил телефонларни энг кўп импорт қилган давлатлар қуйидагилардан иборат:
- Хитой — 87 минг 383 дона;
- Вьетнам — 30 минг 114 дона;
- Ҳиндистон — 4280 дона;
- БАА — 4667 дона;
- Қозоғистон — 3307 дона.
Аввалроқ Ўзбекистон 2021 йил энг кўп мобил телефон импорт қилган 7 та давлат хабар қилинганди. Шунингдек, Ўзбекистон энг кўп автомобиль импорт қилаётган 10 та давлат ҳақида хабар берилди.
