Рейтинг. Ўзбекистон энг кўп юк машинаси экспорт қилаётган давлатлар
Экспорт ҳажми 2020 йилнинг январь-октябрь ойларига нисбатан 37 тага камайган.
Ўзбекистонда 2021 йилнинг январь-октябрь ойларида 714 та юк автомобили экспорт қилинган. Бу ҳақда Давлат статистика қўмитаси матбуот хизмати хабар берди.
Маълумотларга кўра, 2021 йилнинг январь-октябрь ойларида Ўзбекистон 8 та хорижий давлатга қиймати 11,5 миллион долларга тенг бўлган 714 та юк автомобилини экспорт қилган. Таъкидланишича, юк автомобиллари экспорти ўтган йилнинг мос даври билан солиштирилганда 37 тага камайган.
Қайд этилишича, Ўзбекистон 10 ойда юк автомобилларини энг кўп экспорт қилган давлатлар қуйидагилар:
- Қозоғистон — 505 та;
- Қирғизистон — 84 та;
- Сингапур — 71 та;
- Афғонистон — 29 та.
Маълумот ўрнида, 10 ойда 3257 дона юк автомобиллари ишлаб чиқарилган. Шунингдек, Ўзбекистонда аҳолига тегишли бўлган 168 минг 810 та юк автомобили бор.
Аввалроқ Ўзбекистонда юк автомобили ишлаб чиқариш ҳажми камайгани хабар қилинганди. Шунингдек, Ўзбекистон асосан қайси давлатларга автомобиль экспорт қилаётгани маълум бўлгани ҳақида хабар берилди.
