Россия Марказий банки криптовалюталарнинг эмиссияси, муомаласи ва алмашинувини тақиқлашни таклиф қилди. Бу ҳақда регуляторнинг ҳисоботида сўз юритилади.

Қайд этилишича, ҳужжатда Россия ҳудудида криптовалюталарни муомалага чиқариш ва (ёки) чиқаришни ташкил этиш, муомаласини ташкил этиш ва айирбошлашни (криптобиржа, крипто алмаштирувчилар, P2P платформаларида) тақиқлашни жорий этиш ва ушбу тақиқни бузганлик учун жавобгарликни белгилаш кўзда тутилган.

Айни пайтда, операцияларни блокировка қилиш механизмларини ишлаб чиқиш зарур, дея қўшимча қилган Марказий банк. Шунингдек, ушбу чора-тадбирларни амалга ошириш учун масъулиятни ўз зиммасига оладиган ташкилотни аниқлаш кераклиги таъкидланган.

Россия Банки доимий равишда криптовалюталардан мамлакат ичида ҳисоб-китоблар учун фойдаланишга қарши чиқиб келади. Банкнинг ҳисоблашича, улар давлат томонидан таъминланмаган.

Россияда 2021 йилдан бошлаб қонун компаниялар ва жисмоний шахсларга рақамли молиявий активлар сифатида эгалик қилиш мумкин бўлган ҳолда товарлар ва хизматлар учун тўловларни амалга ошириш учун рақамли валютадан фойдаланишни тақиқлайди.

Марказий банк маълумотларига кўра, россияликларнинг рақамли валюталар билан операциялари ҳажми ҳар йили тахминан беш миллиард доллар ёки 350 миллиард рублни ташкил қилади. Шу билан бирга, Россия юридик шахсларининг криптовалюталарга инвестициялари ҳажми аҳамиятсиз даражада кичик.

Аввалроқ Шимолий Корея ҳакерлари 2021 йил 400 миллион долларлик криптовалюта ўғирлагани хабар қилинганди. Шунингдек, криптовалюта бизнесидаги энг бой одам аниқлангани ҳақида хабар берилди.