Самарқандда республикадаги бешинчи Volkswagen ва Skoda дилерлик марказлари расмий очилиш маросими бўлиб ўтди. Бу ҳақда Volkswagen’нинг Ўзбекистондаги ваколатхонаси матбуот хизмати хабар берди.

Маълум қилинишича, дилерлик марказлари очилиш маросимида харидорларга халқаро маркадаги автомобиллар тақдимоти кўрсатилган. Ушбу дилерлик ташкилоти энг йирик автосалонлар тармоғи «Regal» билан биргаликда очилган.

Маросимда Volkswagen ва Sкода брендларининг хорижий вакиллари иштирок этган. Жумладан, Ян Витт Volkswagen Group Rus компаниясининг бошқарув директори, Петр Шольц эса Skoda брендининг раҳбари очилишда қатнашган.

Қайд этилишича, Ян Витт ўз таассуротлари билан ўртоқлашган ва Volkswagen брендлари учун Ўзбекистон автомобиль саноатини ривожлантиришда улкан салоҳият мавжудлигини кўраётганини айтган. Петр Шольц Skoda бренди Volkswagen гуруҳининг Ўзбекистон бозоридаги стратегиясида катта ўрин эгалай бошлаганини таъкидлаган.

Шунингдек, Volkswagen ва Skoda автомобилларининг давлат тарихи амалда бошланган Самарқанддек тарихий минтақада расмий дилер бўлиши, самарқандлик автоуловчилар учун янада яқинроқ ва қулайроқ, қаердадир қадрдон бўлиш имкониятига эга эканлиги таъкидлаб ўтилган.

Маълумотга кўра, Самарқанд шаҳридаги мультибренд автосалон 2 ой ичида рекорд даражада қурилган бўлиб, 1100 квадрат метр майдонни ўз ичига олади, шундан 700 м²  замонавий тақдимотлар маркази. Шунингдек, Volkswagen ва Skoda автомобиллари учун хизмат кўрсатиш маркази мавжуд бўлиб, улар 7 та бўлимдан иборат. Кейинчалик уларни 12 та бўлимгача кенгайтирилиши режалаштирилмоқда. Бу эса истеъмолчиларга харид қилинган автомашиналарга ўз вақтида ва сифатли хизмат кўрсатиш имконини беради.

Янги дилерлик маркази 3 турдаги Volkswagen Caddy минивенларини таклиф этади: Cargo, Kombi ва Trendline, шунингдек, Skoda Kodiaqнинг икки тури: беш ўриндиқли Ambition ва энг қулайи бўлмиш етти ўриндиқли style. Мазкур автомобилиллар ҳам бизнес, ҳам оилавий фойдаланиш учун мос келади.

Автомобилларнинг нархини компаниянинг расмий веб-сайтида топиш мумкин. Белгиланган нархлар ташқи бозорлардаги ўхшаш автомобилларга нисбатан пастроқ экани таъкидланган.

Аввалроқ Volkswagen компанияси ID.5 серияли купе-кроссоверни тақдим этгани хабар қилинганди.