Samsung суднинг Россияда 61 та смартфон моделини сотиш тақиқига қарши апелляция берди
Иш апелляция судига юборилган
Samsung компанияси Россияга 61 та русумдаги смартфонларни олиб кириш ва сотиш тақиқига қарши апелляция берди. Бу ҳақда «РИА Новости» Москва арбитраж суди маълумотларига таяниб хабар берди.
Маълум қилинишича, шикоят «Samsung Electronics Rus Company» МЧЖдан келиб тушган. Иш апелляция судига юборилган. Суд Швейцариянинг Sqwin SA компаниясининг Россияда Samsung Pay тўлов хизматидан фойдаланишни тақиқлаш тўғрисидаги даъвоси бўйича қарор чиқарди.
Маълумот учун июль ойида Samsung маҳсулотлардан фойдаланиш тақиқланган, аммо аниқ моделлар кўрсатилмаганди. Август ойида даъвогар суддан талабларга аниқлик киритишни сўради. Суд жавоби 19 октябрь куни юборилди.
Samsung Pay 2015 йил август ойида ишга туширилган ва бир йилдан сўнг Россияда пайдо бўлган. Samsung Pay Россияда учинчи энг машҳур контактсиз тўлов тизими ҳисобланади. Samsung Galaxy J5, Samsung Galaxy Z Flip ва Samsung Galaxy Fold Samsung Pay тўлов хизматидан фойдаланиш учун мўлжалланган моделларнинг ёпиқ рўйхатига киритилган.
Аввалроқ Google’га эгалик қилувчи компания янги дорилар яратиш бўйича стартап ишга туширганди.
