Tesla Хитойда электромобиль ишлаб чиқариш ҳажмини камайтиради
Bloomberg хабар беришича, камайтириш аллақачон бошланган ва ойига 20 000 та электромобилга етиши мумкин
Tesla Шанхайдаги заводида электромобиллар ишлаб чиқаришни қисқартиришни режалаштирмоқда. Бу ҳақда Bloomberg хабар берди.
Қайд этилишича, бу қарор тез орада кучга киради. Бунинг натижасида заводдан электромобилларнинг ишлаб чиқарилиши тахминан 20 фоизга камаяди.
Tesla хитойлик электромобиль ишлаб чиқарувчиларнинг рақобати кучайган бир шароитда ва компания автомобилларига талаб кутилгандек кўп эмаслиги сабаб қилиб кўрсатган.
Bloomberg хабар беришича, камайтириш аллақачон бошланган ва ойига 20 000 та электромобилга етиши мумкин.
Шунингдек, ноябрь ойида Tesla’нинг Шанхайдаги заводидан 100 000 та электромобиль ўз эгалларига етиб бориб, рекорд ўрнатган.
Октябрь ойида бозордаги мавжуд вазият туфайли Tesla Хитойда электромобиллари нархини пасайтиришга мажбур бўлди.
