Туркия Ўзбекистонда 9 ойда хорижий капитал билан ташкил этилган корхоналар сони бўйича етакчига айланди
Ўзбекистонда Туркия капитали билан 321 та янги корхона ташкил этилган
Ўзбекистонда 2021 йилнинг январь-сентябрь ойларида Туркия билан ташқи савдо айланмаси, шунингдек, Туркия капитали иштирокида янги ташкил этилган корхоналарга оид маълумотлар эълон қилинди. Бу ҳақда Давлат статистика қўмитаси хабар берди.
Ўзбекистон ва Туркия ташқи савдо айланмасининг 2021 йил январь-сентябрь ойларидаги кўрсаткичлари қуйидагича:
- Ташқи савдо айланмаси — 2,4 миллиард доллар;
- экспорт — 1,2 миллиард доллар;
- импорт — 1,2 миллиард доллар.
Экспортда юқори улушга эга маҳсулотлар:
- Рангли металлар — 740 миллион доллар;
- тўқимачилик маҳсулотлари — 270 миллион доллар;
- қимёвий маҳсулотлар — 86,5 миллион доллар.
Импортда юқори улушга эга маҳсулотлар:
- Машина ва асбоб-ускуналар — 625 миллион доллар;
- кимёвий маҳсулотлар — 275,5 миллион доллар;
- қора металлар — 52 миллион доллар.
Қайд этилишича, Ўзбекистонда Туркия капитали иштирокида 321 та корхона янги ташкил этилган.
Маълумотларига кўра, 2021 йилнинг январь-октябрь ойларида Ўзбекистонда хорижий капитал иштирокида янги ташкил этилган корхоналарнинг давлатлар кесимида сони:
- Туркия — 321 та;
- Россия — 296 та;
- Хитой — 219 та;
- Қозоғистон — 166 та;
- Корея — 80 та.
Аввалроқ Тошкентда Туркия компанияси билан электр энергияси бўича 109 миллион долларлик лойиҳа амалга оширилиши хабар қилинганди. Шунингдек, Ўзбекистоннинг ташқи савдо айланмасида юқори улушга эга давлатлар маълум қилингани ҳақида хабар берилди.
