Украина бош вазири ўринбосари Samsung’ни Россияга маҳсулот етказиб беришни тўхтатишга чақирди
Михайло Федоров россияликларни Samsung Pay, Samsung-Galaxy Store и Samsung Shop’дан тўсиб қўйишни сўради.
Украина бош вазири ўринбосари, рақамли трансформация вазири Михайло Федоров Жанубий Кореянинг Samsung компаниясини Россияга маҳсулот етказиб беришни тўхтатишга чақирди. Бу бўйича баёнотини Федоров Twitter саҳифасида эълон қилди.
Украина бош вазири ўринбосари, рақамли трансформация вазири Михайло Федоров Жанубий Кореянинг Samsung компаниясини Украинага босқин фонида Россияга маҳсулот етказиб беришни тўхтатишга ва россияликларнинг Samsung Pay’га киришини тўсиб қўйишга чақирди.
«Мен сиздан Samsung маҳсулотларини Россия Федерациясига хизмат кўрсатиш ва етказиб беришни вақтинча тўхтатиб қўйишни, шунингдек Samsung Pay, Samsung-Galaxy Store и Samsung Shop’га киришни тўсиб қўйишингизни сўрайман», дейилади баёнотда.
Бош вазир ўринбосарининг таъкидлашича, бундай қадам «бутун дунёда тинчлик» ҳақида қайғуришдан далолат беради.
Жанубий Кореянинг Савдо, саноат ва энергетика вазирлиги 3 март куни мамлакат смартфонлари, кир ювиш машиналари, автомобиллари ва бошқа истеъмол товарлари ҳарбий мақсадларда етказиб берилмаса, Россияга нисбатан АҚШ санкцияларига дучор бўлмаслигини маълум қилди.
Аввалроқ Apple Россияда маҳсулот сотишни тўхтатгани хабар қилинганди. Шунингдек, Apple Украина жамғармаларига хайрияни икки баравар ошириши ҳақида хабар берилди.
