Uzbekistan Airways Жанубий Кореяга бораётган йўловчиларни огоҳлантирди
ПЗР тест натижалари икки хорижий тилга таржима қилиниши талаб этилади.

Uzbekistan Airways Жанубий Кореяга киришда янги қоидалар ўрнатилганини маълум қилди. Бу ҳақда компания матбуот хизмати хабар берди.
Қайд этилишича, 2022 йил 20 январдан бошлаб Жанубий Кореяга бораётган йўловчилар (6 ёшдан бошлаб) парвоздан камида 48 соат олдин, COVID-19’га қарши ПЗР-усулида топширилган тестининг салбий натижасини тақдим этиши керак.
Шунингдек, тест натижалари инглиз ва корейс тилларига таржима қилинган бўлиши талаб этилади.
Аввалроқ Uzbekistan Airways Қозоғистон шаҳарларига парвозларни қайта йўлга қўйиши хабар қилинганди. Шунингдек, компания талабалар учун қўшимча қатновларни йўлга қўйиши ҳақида хабар берилганди.
Бизнесга оид янгиликлар телеграм каналимизда @kommersuz




