Visa халқаро тўлов тизими йирик бозорлар учун карталар орқали тўлов тарифларини пасайтиришга қарор қилди. Бу ҳақда «Коммерсантъ» нашри ёзмоқда.

Маълум қилинишича, компания Wildberries билан турли тўлов тизимлари орқали тўловларни амалга оширишда чегирмалар бўйича келишмовчиликдан сўнг шундай қадам ташлаган. Ozon, Wildberries ва бошқалар янги дастур иштирокчиларининг мезонларига тўғри келади.

Ёзилишича, 2022 йил 1 февралдан кучга кирадиган қоидаларга кўра, йирик интернет-дўконлар учун тўлов учун картани қабул қилиш учун комиссия миқдори товар қийматининг 1,2 фоизидан 1,5 фоизигача бўлади. Илгари Visa йирик онлайн-ритейлерлар учун алоҳида тарифларга эга эмас эди.

Маълум қилинишича, янги қоидалар банклараро комиссия ва алмашинувларга алоқадор. У карталарни қабул қилиш учун умумий тарифга киритилган.

«Ҳозирда электрон тижоратда алмашинув ҳажми 1,9 фоиздан 2,4 фоизгача, эквайринг комиссияси йирик бизнес учун 2 фоиз, ўрта учун 2,4 фоиз», — деди Россия Интернет-савдо компаниялари уюшмаси президенти Артем Соколов.

Visa тўлов тизимининг барча иштирокчилари ўртасида мувозанатни сақлаш мақсадида доимий равишда банклараро комиссия ставкаларини кўриб чиқади. Соколовнинг қайд этишича, инновациялар чакана сотувчиларга сотиб олишда тежалган маблағларни ўз ривожланиши учун ишлатишга ёрдам беради.

Аввалроқ Ўзбекистон Марказий банк QIWI Uzbekistan электрон пуллар тизими фаолиятига рухсат бергани ҳақида хабар берилганди.