«Яндекс» ҳаммуассиси ва бош директори Аркадий Волож миллиардерлар сафидан чиқди. Бу ҳақда Forbes хабар берди.

Маълумотларга кўра, Воложнинг бойлиги 580 миллион долларга баҳоламоқда. Forbes томонидан 2021 йилнинг баҳорида эълон қилинган сўнгги рейтингда тадбиркорнинг бойлиги 2,3 миллиард долларга, энг юқори чўққисида эса 2,6 миллиард долларга баҳоланган.

Охирги уч ой ичида Воложнинг бойлиги 2 миллиард долларга камайди. Фақат 24 февралнинг ўзида — Владимир Путин Украинада «ҳарбий операция» эълон қилган кун — миллиардернинг капитали 400 миллион долларга камайди.

Шунингдек, «ҳарбий операция»нинг биринчи кунида «Яндекс» акциялари Nasdaq’да деярли 59 фоизга (23 февралдаги ёпилиш нархидан) тушиб кетди — камида 14,11 долларгача камайди. 25 февралдан кейин АҚШ фонд биржаси Россия акциялари савдосини тўхтатди.

Аввалроқ «Тинькофф Банк» асосчиси Олег Тиньковнинг бойлиги 5,5 баравар қисқариб, 820 миллион долларни ташкил этгани хабар қилинганди. Бу билан россиялик тадбиркор расман доллардаги миллиардерлар сафидан чиққан.